مسلسل ألف ليلة وليلة كامل

أحمد مكى و محمود الليثى - ( آخرة الشقاوه )

(Ahmed Mekky & Mahmoud Al Liethy ( Akhret Al Shaqawa

..

كلمات : أحمد مكى ( الراب ) - محمد البوغه ( الكورس )

لحن و توزيع : شادى السعيد 

Digital consultant : Haitham selim

Social Media : " Ahmed Mostafa Shiha 

Subtitles By : Dr.Ahmed Fathi

..
"الكلمات"

إسمي قرن الغزال .. بس إسم الشهرة مطواة

بدّي لصاحبي هيبة .. الناس تهابه يكونله سطوة

جسمي قد كفك .. مصنوع فولاذ وعاج

تعُض عضمي بسنانك .. يجيلك إرتجاج

أوكابي ألماني على سلاحي .. منقوشه خوجة

سن سلاحي موسه حامي .. يفوت في اللحمة الناية نوجة

تلت نجوم وهلال وهلال .. فوق جسمي زينة

مطيع لصاحبي ومخلص اللي يعوزه يالا بينا

يا ماا هوشت وحوش .. يا ماا شوهت وشوش

يا ماا فتحت كروش لناس باتت راقده في نعوش

لو عرقبت رجل بزاوية صح لواحد متشولش

لما بظهر فجأة .. الناس تجبن تجري ولو جيوش

صوت فتح سلاحي .. بيجيب لصاحبي جنان

قتل، عور، وزفر .. سن سلاحي ومش ندمان

قلبه وإحساسه ماتوا .. ونظرة عينه ديب سعران

إنسان من برة بس من جوه إتقلب شيطان

..

عيني على صاحب فجر

قدرناه ولا طمر

سوق فيها يا بنطي أكتر

ماشي يا عم الدكر

إحنا على وضعنا

لو عيشنا وملحنا 

مبقوش لادَّين عليك .. يا بااا وإستنقصتناا

الدنيا سلف ودين ومسيرك تنقرص

وتقول يا صاحبي فينك يا شقي أو كان في وخلص

..

رحال وكعبي داير .. لفيت الدنيا لف

من إيد مالك لمالك .. بتنقل من كف لكف

صحيح البحر واحد .. بس السمك أنواع

مريت على الجبان والبوق والعترة الشجاع

في اللي كان بيعمل بيا نمرة .. ويرقص في الأفراح

وفي اللي قدروني صح .. وشافوا فيا أقوى سلاح

كل فترة أعيشها .. بتبقى شكل صاحبي

أحداث وناس جديدة .. وكل واجبي صاحبي أحمي

وصاحبي الحالي واعر .. تاجر مخدرات

فتوة وكفه سابق مش هامه أي حوارات

بديت معاه من الصفر .. مكانش يسيبني لحظة

مكنش يجيله نوم .. اللي لما أكون تحت المخدة

واحدة واحدة سيطه ذاع .. واخدها بالدراع

أفيونته تحت لسانه .. شايه تقيل وبالنعناع

لما تقوم خناقة ويبدأ يتعصب ويغل

يأمن إني في جيبه .. ويأمن على الأبتريل

عور بيا يا ماا .. قتل تلت مرات

أخرهم جرد جثه بره بار من البارات

الناس بقت تخافه وتهابه تعمله حساب

واللي بيعترض طريقه بيبقى عيشته هباب

عمل لنفسه ضهر .. وبعلاقات ثبت وجوده

وزود حجم دولابه .. تاجر هيروين وفودو

..

عيني على صاحب فجر

قدرناه ولا طمر

سوق فيها يا بنطي أكتر

ماشي يا عم الدكر

إحنا على وضعنا

لو عيشنا وملحنا 

مبقوش لادَّين عليك .. يا بااا وإستنقصتناا

الدنيا سلف ودين ومسيرك تنقرص

وتقول يا صاحبي فينك أو كان في وخلص

..

صاحبي كبر وإتوحش .. لعب معاه القرش

جاب مرسيدس، ساعة دهب، نشاط تاني على الوش

في تحته جيش رجاله بأمره ينفذوا التمام

وف طبنجة تسعة مللي وف آلي دفع أرقام

خلاص إستغنى عني .. مبقتش قد المقام

بقيت أعره لو ظهرت معاه خلاص مات الكلام

ف حطني ف صندوق جزم قديم رماه فوق الدولاب

أكتر من تلت سنين مرمي رمية كلاب

جانبي في الصندوق ورق مضروب وذكريات

حشيش قديم نشف .. وصورة لإبنه اللي مات

من خبرتي للناس حافظ حبة أمثال

أكترهم مؤمن بيه .. دوام الحال من المحال

طغيان صاحبي ونفوذه .. خلّت العين عليه

والكوك لحس دماغه .. والغرور عمى له عنيه

شبة إحتكر السوق .. فولاد الكار قالبين عليه

حتى الحكومة هاجت ماجت .. قررت حاطين عليه

كام واحد من رجالته .ز عاملين معاه الجلاشة

باعوا سره للحكومة .. فتعمل عليه الكماشة

إختاروا يوم كان كانس فيه ف البيت تقريبا تمن طن

هيروين وكوكايين .. شكل الكمية حاجة تجن

البوليس هجم كبس ع البيت باليل الساعة تسعة

مطر من ضرب نار أغلبهم للهروب بيسعى

بس صاحبي قلبه ميت .. شد لاين وقام يدافع

بالعروسة التسعة مللي قام يهاجم .. كأنه راجع

حد فضى خزنة المسدس من وراه

حتى الآلي إختفى .. ده بفعل فاعل يا ولادااه

صاحبي هرش وإستوعب إنه إتباع وع المشاع

هيعيش لو سلم نفسه .. هيموت لو عمل شجاع

محسش بالأمان .. عمل زي زمان

دب إيده ف جيبه يجيبني فأفتكر كل اللي كان

أخيراً إفتكرني وجابني من فوق الدولاب

فرحت إنه بيلجألي تاني .. وهنرجع صحاب

أول ما مسكني إستغرب شكلي .. اصلي مردوم بالتراب

باظت لحظة فرحتي من قوة رزعت كسر  الباب

بوليس كتير دخل بسلاحه .. الكل كان مكشم

صاحبي فتح سلاحي .. متفتحش أصله تلّم

عمري ما أقدر أنسى لحظة نظرة عينه ليا .. كان مبلّم

شكله فكر إني خونته؟! عينيه ليا بتتكلم

خد طلقة وسط دماغه .. وراها رصاص كتير

وقع غرقان ف دمه .. وأنا إترميت بطير

وقعت جنبه .. وشوفته بيطلع آخر زفير

صاحبي اللي كان فرعون .. أدي شكل المصير

وفجأة ف وسط زحمة الأوضه اللي كانت شديدة

في إيد جات كمرتني .. شكلي داخل قصة جديدة

.. 

وآخرة الشقاوة .. يا موت يا عيش وحلاوة

عيني على صاحب فجر

قدرناه ولا طمر

سوق فيها يا بنطي أكبر

ماشي يا عم الدكر

إحنا على وضعنا

لو عيشنا وملحنا 

مبقوش لادَّين عليك .. يا بااا وإستنقصتناا

الدنيا سلف ودين ومسيرك تنقرص

وتقول يا صاحبي فينك أو كان في وخلص

..
👇
Video By

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لا تنسى تشترك في القناة وادعمنا هنا